Bakı-Balakən qatarı 100 faiz doluluqla hərəkət edir - FOTO

Ötən gün Bakı-Balakən qatarı 100 faiz doluluqla yola düşüb. Tələbata uyğun olaraq qatara daha bir vaqon əlavə edilib.

Avtosfer.az xəbər verir ki, bu barədə "Azərbaycan Dəmir Yolları" QSC-dən məlumat verilib.

Bildirilib ki, bazar günü Balakən-Bakı qatarlarında da yüksək doluluq qeydə alınır.

“Bu, sərnişinlərin xüsusilə həftəsonu səfərlər üçün Bakı-Balakən-Bakı marşrutu üzrə qatarlara üstünlük verdiyinin göstəricisidir. Sərnişinlərimiz yataq tipli gecə qatarları ilə rahat və təhlükəsiz səfər etməklə yanaşı, həm də gündüz saatlarına maksimum qənaət etməyi seçirlər” - ADY-dən əlavə edilib.

*ADY gecə qatarları ilə sizi səyahətdən həzz almağa və yeni yerlər kəşf etməyə dəvət edir.

*Növbəti səyahət planlarınızı indidən qurun və biletlərinizi əvvəlcədən təmin edin!

*Biletləri ADY-nin rəsmi saytından, “ADY Mobile” tətbiqindən və dəmiryol stansiyalarının kassalarından əldə edə bilərsiniz.