Bakı metrosunda rekord sayda sərnişin DAŞINIB

Noyabrın 24-də Bakı metrosunda 867 min 310 sərnişin daşınıb. 

Avtosfer.az xəbər verir ki, bu barədə "Bakı Metropoliteni" QSC-nin mətbuat xidmətinin rəhbəri Bəxtiyar Məmmədli məlumat verib. 

"Bu metropoliten tarixində bu günə qədər qeydə alınan rekord göstəricidir", - deyə o, əlavə edib. 

Qeyd edək ki, bu gün "Bakı Metropoliteni" QSC-nin "Nizami" stansiyasında əlil arabası istifadəçilərinin daşınması ilə bağlı eskalator üçün nəzərdə tutulmuş yeni texniki qurğu istifadəyə verilib. Yeni texniki qurğusunun istifadəyə verilməsi "Əlçatan metro" layihəsi çərçivəsində baş tutub.