Bakı-Moskva reyslərində uçuşlarda gecikmələr olacaqmı? - AÇIQLAMA

AZAL və “Buta Airways” aviaşirkətlərinin Moskva hava reyslərinin cədvəlində dəyişiklik yoxdur.

Bu barədə Avtosfer.az-a AZAL-ın mətbuat xidmətinin rəhbəri Paşa Kəsəmənski məlumat verib.

O bildirib ki, Bakı-Moskva və əks istiqamətdə bütün reyslər cədvəl üzrə hərəkət edir:

“Bizim uçuşlarda heç bir gecikmə olmayıb. Bütün uçuşlar cədvəl üzrə həyata keçirilir. Heç bir dəyişiklik yoxdur”.

Qeyd edək ki, güclü duman səbəbindən Moskvanın üç hava limanında yüzdən çox reysin təxirə salındığı haqda məlumat verilib.