Bakı sakinləri Siyəzəndə 4 kq narkotiklə tutuldu - FOTO

Siyəzən  Rayon Polis Şöbəsinin əməkdaşları  tərəfindən narkotik vasitələrin qanunsuz dövriyyəsinə qarşı əməliyyat keçirilib.
Daxili İşlər Nazirliyinin Mətbuat Xidmətinin Quba regional qrupundan Avtosfer.az-a verilən məlumata görə, keçirilən əməliyyat-axtarış tədbirləri nəticəsində  narkotik vasitələrin əldə etməsi, saxlaması, daşımasında və satmasında  şübhəli bilinən Bakı şəhər  sakinləri  Elvin İsmayılov və Nicat Hüseynov  saxlanılıblar. Həmin şəxslərin üzərlərinə baxış keçirilən zaman 3 kiloqrama yaxın narkotik vasitə olan  marixuana, 500 qram psixotrop maddə olan metamfetamin və 558,6 qram  heroin aşkar olunaraq götürülüb.
Faktla bağlı Siyəzən  RPŞ-də cinayət işi başlanılıb, məhkəmənin qərarı ilə hər iki şəxsin  barəsində həbs qətimkan tədbiri seçilib.