Avtosfer.az | Reklam
Bakıda bir qrup insan şirkət rəhbərliyini dələduzluqda ittiham etdi
Oxucu məktubları 24 İyul 2020 23:09 Oxunub 3404
Bakıda bir qrup insan şirkət rəhbərliyini dələduzluqda ittiham etdi

Altı Azərbaycan vətəndaşı Yasamal rayonu 27-ci Polis Bölməsinə müraciət edərək, “Smart Business Group” konsaltinq şirkətinin rəhbəri A.Əliyevin hiyləsinin qurbanı olduğunu bildirib. 

Bununla bağlı Avtosfer.az-a hüquq-mühafizə orqanları tərəfindən məlumat verilib.

Zərərçəkənlərin sözlərinə görə, bu ilin iyununda A.Əliyev sərt karantin rejimi şərtlərində onların Türkiyə ərazisinə girişlərinə tətbiq edilən qadağanı ləğv edəcəyinə və bu ölkəyə uçmaqlarına köməklik göstərəcəyinə söz verib. Şikayətçilər bildirib ki, ümumilikdə şirkət rəhbəri onlardan 8 000 manat və 7 min ABŞ dolları götürüb. A.Əliyev vədlərinə əməl etməyib. 
Hazırda polis bölməsində məlumatlar yoxlanılır. Faktla bağlı hələlik saxlanılan yoxdur. 

Qeyd edək ki, şirkət gömrük sənədlərinin, vizaların, iş, yaşayış və təhsil icazələrinin hazırlanması, habelə Türkiyə və Almaniyanın tanınmış klinikalarında təcrübə keçmə xidmətləri göstərir.

ŞƏRH YAZ
Ad

E-mail

Şərh