Bakıda küçədə kişi müəmmalı vəziyyətdə ölüb - FOTO

Bakının Yasamal rayonunda küçədə meyit tapılıb.

Avtosfer.az xəbər verir ki, kişi meyiti Akim Abbasov küçəsində aşkarlanıb.

Təcili Təxirəsalınmaz Tibbi Yardım Xidmətinin həkimi Malik Mehdiyev apa-ya bildirib ki, ölən şəxsin yalnız üz nahiyyəsində şişkinlik var.

Əraziyə Yasamal Rayon Polis İdarəsinin əməkdaşları cəlb edilib.

Meyit morqa təhvil verilib.

Ölümün səbəbləri Yasamal Rayon Prokurorluğunun əməkdaşları tərəfindən araşdırılır.