Bakıda oğurladığı televizoru maşına qoyan şəxs kameraya düşdü - VİDEO

Əməkdar artist Mətanət İsgəndərlinin keçmiş gəlini Canana (Aynur) Həmidovanın evindən oğurluq edilib.

Oxu.Az xəbər verir ki, bu barədə Canana sosial şəbəkə hesabında məlumat paylaşıb.

Hazırda səhhəti ilə bağlı ölkə xaricində olan C.Həmidova oğrunun onun Bakıdakı evindən televizor oğurladığı anları paylaşaraq sözügedən şəxsin tutulması üçün kömək istəyib:

“Bu oğrunu hamı tanısın. Vicdansız inşallah tutular. Evi bu gün köməkçim təhvil verməli idi, evə daxil olduqda görür ki, televizor yoxdur. Oğru açarı dükandan götürüb evə girib”, - deyə Canana paylaşımında qeyd edib.

Oğurluq anından videonu təqdim edirik: