Yasamal rayonu ərazisində piyadanın xəsarət alması ilə nəticələnən yol-nəqliyyat hadisəsi törədərək hadisə yerindən qaçan şəxs saxlanılıb.

Daxili İşlər Nazirliyinin Mətbuat Xidmətindən Avtosfer.az-a verilən məlumata görə, hadisə martın 12-də saat 15 radələrində Yasamal rayonu ərazisində qeydə alınıb.

Müəyyən edilməmiş avtomobillə yolu keçən Bakı şəhər sakini N.Dadaşova vurulub və piyadaya xəstəxanada ilkin tibbi yardım göstərilib.

Yasamal Rayon Polis İdarəsinin əməkdaşlarının keçirdikləri əməliyyat-axtarış tədbirləri nəticəsində hadisəsini törədərək oradan yayınmaqda şübhəli bilinən “Mercedes” markalı avtomobilin sürücüsü, Sumqayıt şəhər sakini C.Cəfərov müəyyən edilərək saxlanılıb.