Bakıda yaşıllıq ərazidə tikinti aparılır - ŞİKAYƏT - FOTO

Binəqədi rayonu, Mikayıl Əliyev 5A ünvanında yaşayan sakinlər yaşıllıq ərazidə aparılan tikintidən narazıdırlar.
Bu barədə Oxu.Az-a sakinlər müraciət ünvanlayıblar.
Bildirilib ki, yaşayış binasının qarşısındakı ağacların təxminən 15-i artıq kimyəvi məhlul tökülərək qurudulub:
“Yaşıllığın kütləvi məhvini sakinlər müşayiət etsələr də, həmin anı videoya çəkə bilmədiklərini qeyd edirlər. Eyni zamanda, binanın qarşısındakı parkda bir neçə ay öncə beton tökülərək, aşağı hündürlükdə hörgü işləri aparılıb. Bir müddət öncə isə həmin əraziyə mobil ev quraşdırılıb və artıq bir sakin orada yaşamağa başlayıb. Həmin evin yerləşdirilməsi üçün ərazidəki bir neçə ağac kəsilərək məhv edilib”.
Binəqədi Rayon İcra Hakimiyyətindən Oxu.Az-ın sorğusuna cavab olaraq bildirilib ki, Binəqədi rayonu, 7-ci mikrorayon, A.Kunanbayev küçəsi, 5a/15 saylı binanın qarşısında yerləşən vaqonda məskunlaşmış məcburi köçkün, vətəndaş Ülkər Abılova bina sakinlərinin ümumi istifadəsində olan yaşıllıq ərazisində tikinti aparmağa cəhd göstərib:
“Binəqədi Rayon İcra Hakimiyyəti tərəfindən vətəndaş Ü.Abılovanın tikinti cəhdinin qarşısı alınıb, tikinti prosesi dayandırılıb. Vətəndaşa xəbərdarlıq olunaraq qanunvericiliyin tələbləri izah edilib”.
Tahir Qədəşovun kürəkəninə 11 il həbs verildi - “Atlant” müsadirə edildi
Badamdarda torpaq sürüşməsi təhlükəsi - VİDEO
Media və Yayım Şurası Fransadan idarə olunan "YouTube" kanalını ifşa edib
Ali məktəblər üçün yeni dövr: Hansı universitetlərə xüsusi status veriləcək?
Tələbələrin fotolarını montaj edib şantaj edən şəxs saxlanıldı - VİDEO
Bakı-Qazax yolunda təhlükəli vəziyyət - VİDEO
Nəvəsinin andiçmə mərasiminə gələrək itkin düşən kişinin meyiti tapıldı
Bakı körpülərinin sədləri nə qədər təhlükəsizdir? - RƏSMİ CAVAB
“Sükan arxasında insan həyatı ilə oynamaq bağışlanmaz məsuliyyətsizlikdir” - Rövşən Tağıyev
Məhkəmə generalın qızı ilə bağlı QƏRAR VERDİ
Bakıda külək güclənəcək - XƏBƏRDARLIQ












