Bakıda yoldakı qəza və nasaz avtomobil sıxlıq yaratdı - FOTO

Metronun “Koroğlu” stansiyasının qarşısında yol-nəqliyyat hadisəsi, DİN-in Hospitalının qarşısında isə texniki nasaz nəqliyyat vasitəsinin yolda qalması sıxlığa səbəb olub.

Bu barədə Daxili İşlər Nazirliyinin (DİN) Nəqliyyatı İntellektual İdarəetmə Mərkəzi (NİİM) məlumat yayıb.

Heydər Əliyev prospekti, metronun “Koroğlu” stansiyasının qarşısında yol-nəqliyyat hadisəsi baş verib. Ziya Bünyadov prospekti, DİN-in Hospitalının qarşısında isə texniki nasaz nəqliyyat vasitəsi yolda qalıb. 

Hər iki səbəbdən Heydər Əliyev prospekti, mərkəz və “20 Yanvar” metro stansiyası istiqamətlərində yolda sıxlıq yaranıb. Avtomobillərin rahat hərəkətini təmin etməm məqsədilə tədbirlər görülür.