Bakının bu küçəsində biabırçılıq; səkidə hərəkət mümkün deyil - FOTO

Bakının mərkəzində, "Giləzi" və "Bəsti Bağırova" ("6-cı paralel") küçələrinin kəsişməsindəki səkidən keçmək problem yaradır. MediaPost xəbər verir ki, bu barədə vətəndaşlardan biri sosial şəbəkələrdə paylaşım edib. Belə ki, uşaq arabası ilə hərəkət edən vətəndaş səkinin sonunda "sürprizlə" qarşılaşıb.

Qaz boruları, işıq dirəyi düz səkinin ortasında qalıb. Əlil arabası və uşaq arabaları ilə burdan keçmək üçün mütləq yolun hərəkət hissəsinə düşmək lazımdır. Amma yolun kənarında park etmiş avtomobillər buna imkan vermir.

Piyadaların yeganə çarəsi özünü təhlükəyə ataraq yolun avtomobillər hərəkət edən hissəsindən keçməyə qalır. Ümid edirik ki, aidiyyəti qurumlar bu məsələyə bir əncam çəkəcək.

Fərid