Bakının mərkəzində keçidi su basdı: Qurum hərəkətə keçdi - YENİLƏNİB + FOTO - VİDEO

Bu gün səhər saatlarında “Qış parkı” ərazisində, Akademik Milli Dram Teatrının qarşısında yerləşən yeraltı piyada keçidinə su sızması faktı qeydə alınıb. 

Bununla bağlı Azərbaycan Avtomobil Yolları Dövlət Agentliyi məlumat yayıb.

Bildirilib ki, dərhal əraziyə agentliyin əməkdaşları cəlb olunub.

Araşdırma zamanı məlum olub ki, keçidin üzərində yerləşən yaşıllıq ərazinin suvarılması üçün nəzərdə tutulmuş xətdə qəza baş verib və nəticədə su keçidə sızmağa başlayıb.

Problemin aradan qaldırılması üçün aidiyyəti üzrə məlumat verilib.

***

Bakı şəhərinin mərkəzində keçidi su basıb.

Avtosfer.az-ın məlumatına görə, hadisə “Qış parkı”nda qeydə alınıb. 

Ərazidə yerləşən yeraltı keçidi su basıb. 

Eyni zamanda, keçidin üstündə də gölməçələr yaranıb.

oxu.az