“Baku Bus”un avtobusu ağır qəza törətdi - FOTOLAR

Bu gün saat 14.40 radələrində Səbail rayonu, Neftçi Qurban küçəsində zəncirvari yol qəzası baş verib. Hadisə şahidlərinin Avtosfer.az-a verdiyi məlumata görə, “Baku Bus” MMC-yə məxsus “İveco” markalı, 99 JX 113 dövlət nömrə nişanlı avtobus “Mercedes” markalı, 10 SN 481 dövlət nömrə nişanlı avtomobili arxadan vurub. Zərbənin gücündən təxminən 15 metr irəli hərəkət edən “Mercedes” yolun kənarında dayanan “Opel” markalı 90 RP 834 dövlət nömrə nişanlı avtomobilə çırpılıb.

Qəza nəticəsində xəsarət alan olmasa da, hər üç avtomobilə ciddi ziyan dəyib. Hadisə yerinə Səbail rayon DYPŞ-nin əməkdaşları gəlib, qəzanən səbəbi araşdırılır.

Emin