Balakəndə 28 yaşlı kişinin qulağını kəsən şəxs saxlanılıb

Balakən rayonunda 28 yaşlı Samiddin Quliyevin qulağını kəsən şəxs saxlanılıb.

Avtosfer.az-ın əldə etdiyi məlumata görə, bu, rayon sakini, 1991-ci il təvəllüdlü İsrafil Sayılovdur.

O, Balakən Rayon Polis Şöbəsinin keçirdiyi əməliyyat tədbirləri zamanı tutularaq istintaqa cəlb edilib.

Faktla bağlı Cinayət Məcəlləsinin müvafiq maddəsi ilə cinayət işi başlanılıb, istintaq aparılır.

Qeyd edək ki, hadisə iyulun 25-i gecə saatlarında rayon ərazisində qeydə alınıb.

Belə ki, Balakən şəhər sakini, 1994-cü il təvəllüdlü S.Quliyev İ.Sayılov tərəfindən bıçaqlanıb. Daha sonra o, belin kəsilmiş-deşilmiş və qulağın kəsilmiş yaraları xəsarətləri ilə Balakən Rayon Mərkəzi Xəstəxanasına çatdırılıb.

"Report"