Batumi-Bakı marşrutu ilə aviareyslərin bərpası gözlənilir - Səfir

İyunun 1-dən Batumi-Bakı marşrutu ilə aviareyslərin bərpa olunması gözlənilir.

Avtosfer.az-ın məlumatına görə, bunu Gürcüstanın Azərbaycandakı səfiri Zurab Patradze Bakıda keçirilən Azərbaycan-Gürcüstan biznes forumunda deyib.

Onun sözlərinə görə, aviareyslərin həftədə üç dəfə yerinə yetirilməsi planlaşdırılır.

Səfir əlavə edib ki, bundan başqa, Gürcüstandan Azərbaycana dəmiryol nəqliyyatı ilə sərnişin daşımalarını bərpa etməj nəzərdə tutulur.

Trend