Biləcəridə yolun kənarında yerləşən ərazi hasara alındı - FOTO

Binəqədi rayonu, Biləcəri qəsəbəsi Teymur Yaqubov küçəsində yolun kənarında yerləşən ərazi hasara alınaraq tikinti başlanılıb. 

Avtosfer.az xəbər verir ki, 1 həftədir hasara alınan ərazidə tikinti işi gedir. Bu ərazinin hansı qurumun icazəsi ilə tikildiyi məlum deyil. Bu, ərazidə artıq bir neçə ağac kəsilib, digər ağacların kəsiləcəyi də istisna deyil.

Bununla bağlı Binəqədi rayon icra hakimiyyəti ilə əlaqə saxlamaq cəhdlərimiz boşa çıxdı. Onlardan heç bir cavab ala bilmədik.

Məsələni nəzarətdə saxlayırıq.