Bir ildir maşınını parkinqdən götürmür - 200 min avro borc - FOTO

12 ay əvvəl Almaniyanın paytaxtı Berlində Brandenburq hava limanının dayanacağında saxlanılan avtomobil hələ də sahibi tərəfindən götürülməyib.

Avtosfer.az xarici mətbuata istinadən xəbər verir ki, saatda 23 avro olan parkinq haqqı bu dövr ərzində artıq 200 min avronu (354,780 manat) keçib. 

Nəqliyyat vasitəsinin sahibi avtomobilinə sahib çıxana qədər bu qiymət artmağa davam edəcək.

Avtomobilin içərisindən açıq şokolad və yarım dolu su şüşəsi tapılıb. Bundan başqa, maşının idarəetmə ekranı qırılıb.

Avtomobilin oğurlandığı və ya başqa haradansa gəldiyi barədə məlumat yoxdur.

(qafqazinfo)