BMU-nun Zəngəzur PUA-sı - VİDEO

Bakı Mühəndislik Universitetinin (BMU) tələbələrdən ibarət “RED” komandası hazırladığı  “Zəngəzur” Pilotsuz Uçuş Aparatının (PUA) daha da təkmilləşdirilməsi üzərində çalışmaları davam etdirir.

Avtosfer.az xəbər verir ki, PUA-nın növbəti festivallarda və beynəlxalq sərgilərdə nümayiş olunması planlaşdırılır.

Məlumat üçün bildirək ki, “Zəngəzur” PUA-sı yüksək texniki parametrlərə, eyni zamanda radioekoloji monitorinq imkanlarına malikdir.

PUA havada hibrid rejimdə 3 saat işləmək, 6 km diapozonda hündürlüyə qalxmaq kimi yüksək imkanları özündə daşıyır. PUA-nın faydalı yük götürmə qabiliyyəti 4 kq,  öz çəkisi isə 18 kq-dır.

“Zəngəzur” PUA-sı  ötən ilin sentyabrında “ADEX-2024” 5-ci Yubiley Azərbaycan Beynəlxalq Müdafiə, eləcə də “Securex Caspian” 14-cü Beynəlxalq Daxili Təhlükəsizlik, Mühafizə və Xilasetmə Avadanlıqları sərgilərində nümayiş olunub və beynəlxalq sərgilərin təşkilatçıları tərəfindən xüsusi sertifikata layiq görülüb.