Britaniyanın “BAE Systems” şirkəti yeni PUA-larını təqdim edib

Britaniyanın “BAE Systems” şirkəti yeni hazırladığı Pilotsuz Uçuş Aparatını (PUA) nümayiş etdirib. Ordu.az xəbər verir ki, platformalar “Royal International Air Tattoo (RIAT) 2022” Tədbirində təqdim edilib.

Nümayiş etdirilən PUA “Spirit AeroSystems” tərəfindən hazırlanmış və 24 iyun 2022-ci ildə Britaniya Müdafiə Nazirliyi tərəfindən ləğv edilən “Mosquito” platformalarına bənzəyir.

G-UCAS adlandırılan PUA ilə yanaşı uzun mənzilli və ramjet daşıyan “Meteor” raketləri təqdim edilir.

“BAE Systems”in G-UCAS sistemi haqqında hələ ətraflı məlumat olmasa da, onun reaktiv mühərrikli olacağı aydındır.

Maksimum uçuş çəkisi təxminən 3,5 ton olan G-UCAS 500 kiloqram faydalı yük daşıyır, 5 saat uçuş müddəti, 0.75 max. kreyser sürəti və 40.000 fut əməliyyat hündürlüyünə sahib olması planlaşdırılır.