Bu gün Bakıda parklanma ödənişsizdir? – AYNA-dan AÇIQLAMA

Sosial şəbəkələrdə bu gün parklanmanın pulsuz olduğunu bildirən paylaşımlar edilib. Qeyd edilib ki, bu gün ölkədə iş günü olmadığı üçün paytaxtda parklanma ödənişsizdir.

Deyilənlərlə bağlı Azərbaycan Yerüstü Nəqliyyat Agentliyinin (AYNA) ilə əlaqə saxladıq.
Qurumun mətbuat katibi Tural Orucov açıqlamasında məlumatın doğru olmadığını bildirdi:

“Sosial şəbəkədə yazılanlar doğru deyil. Bu gün parklanma ödənişlidir. Biz bu haqda dəfələrlə demişik, yenə də xatırlatma verirəm. Nəqliyyat vasitələrinin parklanması üçün yalnız axşam saat 22:00-dan saat 07:00-dək, bir də həftənin bazar günləri ödənişsizdir.

Bayram günləri, qeyri-iş günləri bazar günlərinə təsadüf edəndə parklanma ödənişsiz olur. Amma həftə içərisinə düşəndə isə xidmət pulludur”.

(bizim.media)