Bu il ali məktəblərə qəbul balı arta bilər? - AÇIQLAMA

"Görünən odur ki, tələbə qəbulu artır. Ümumilikdə isə getdikcə əhalinin sayı çoxalır. Bu baxımdan ölkədə yeni iş yerləri, müəssisələr yaradılır. Bunlar daha çox tələbənin ali təhsil almasına imkan verəcək".

Bunu deputat Ceyhun Məmmədov deyib. Bu il qəbul sayının artmasının qəbul ballarına necə təsir göstərəcəyinə gəlincə, deputat bunları deyib:

"Ola bilər ki, bu, qəbul ballarına təsir göstərsin. Bunlar müraciət edən abituriyentlərin sayından asılı olacaq. Həmçinin, onların hansı ixtisaslara və sahələrə yönəlməsi də burada rol oynayacaq. Bu da önəmli qərardır və ciddi artımdır. Bu, ali təhsil alan gənclərin sayına ciddi təsir göstərəcək".

Qeyd edək ki, elm və təhsil nazirinin müavini Kənan Kərimzadə bu il 75 mindən çox tələbənin qəbulunun planlaşdırıldığını deyib.

(unikal)