Bu ölkə məmurlara şəxsi təyyarələrdə uçmağı QADAĞAN EDİR

Argentina hökuməti məmurlara və onların ailə üzvlərinə şəxsi təyyarələrdən istifadə etməyi qadağan edən qaydalar qəbul edəcək.
Bu barədə ölkə prezidenti Xavyer Miley bildirib.
"Yaxın günlərdə Milli Mülki Aviasiya İdarəsi ciddi rəsmi hallar istisna olmaqla, siyasətçilərin və onların qohumlarının şəxsi təyyarələrdən istifadəsinin qarşısını almaq üçün yeni qaydalar tətbiq edəcək", - prezident parlamentin iclasında deyib.
Onun sözlərinə görə, vəzifəli şəxslərə uçuşlara görə verilən bonus millərdən ezamiyyətdə istifadə etmək qadağan ediləcək.
Argentina prezidenti bəyan edib ki, o və hökumət üzvləri müntəzəm kommersiya reysləri ilə uçurlar. (Musavat.com)