“Bu seçkilər tarixi hadisədir”

“Müşahidə missiyamıza Qazaxıstan, Qırğızıstan, Türkiyə nümayəndələri ilə yanaşı TÜRKPA katibliyinin də nümayəndələri qatılıb”.

Avtosfer.az xəbər verir ki, bunu TÜRKPA-nın müşahidə missiyasının rəhbəri Osman Mesten deyib.

Onun sözlərinə görə, namizədlərə kampaniyalarının təşkili və çıxışla bağlı bərabər şərtlər yaradılıb. Həmçinin bildirib ki, 30 ilə yaxın davam edən işğal başa çatdıqdan sonra təşkil edilən bu seçkilər tarixi hadisədir.

Mesten qeyd edib ki, TÜRKPA-nın nümayəndə heyəti Bakı ilə yanaşı, Şuşa və Xankəndi şəhərlərində də seçki prosesində müşahidə həyata keçirib: “Missiyamız seçki prosesi ərzində hansısa qanun pozuntusu qeydə almayıb. Seçkinin yüksək səviyyədə təşkil edilməsinin şahidi olduq”.

Missiya rəhbəri vurğulayıb ki, seçkidə fiziki qüsurlu şəxslərin də səs verməsi üçün bütün şərait yaradılıb.

O, İlham Əliyevi yenidən prezident seçilməsi münasibətilə təbrik edib.

Ümumilikdə TÜRKPA müşahidə missiyası seçkilərin qaydalara uyğun keçirilməsinin şahidi olduğunu diqqətə çatdırıb.

Qafqazinfo