Cərimələri ödəmədiyi üçün blogerə qarşı 6 iş qaldırıldı

Rusiyada məhkəmə icraçıları bloger Vladislav Bumaqa (Vlad A4) qarşı yol hərəkəti qaydalarının pozulmasına görə cərimələrin toplanması üçün 6 icra işi açıblar.

Avtosfer.az xəbər verir ki, bu barədə Federal Məhkəmə İcraçıları Xidməti (FSSP) məlumat yayıb.

Məlumata görə, bloger Belarus vətəndaşıdır. Onun barəsində bir neçə dəfə inzibati xətalara dair aktlar tərtib edilib. Bu aktlardan dördünə görə, bloqqer 3,5 min rubl ödəməlidir. Qalan ikisi üçün cərimənin məbləği dəqiqləşdirilməyib.

Qeyd edək ki, Vlad Bumaqa müxtəlif formatlı əyləncəli videoları - çağırışlar, sehrli fəndlər, oyun icmalları və zarafatları ilə tanınır. O, 2023-cü ildə əhatə dairəsinə görə Rusiyanın ən böyük 10 “YouTube” bloqçusuna daxil olub.

Məhəbbət Tərlanoğlu