Çexiya İsraildən 120 milyon dollara 48 raket alacaq

Çexiya İsraildən 2,8 milyard kron (təxminən 120 milyon dollar) qarşılığında “Spyder” zenit-raket sistemləri (SAM) üçün 48 “I-Derby-ER” raketi alacaq.

Avtosfer.az xəbər verir ki, bu barədə CTK xəbər agentliyi məlumat yayıb.

Raketlərin alınmasını Çexiya Nazirlər Kabineti təsdiqləyib. Raketlərin alınmasına dair razılaşma İsrail hökuməti ilə oktyabrın sonuna qədər bağlanacaq. Çexiya Silahlı Qüvvələri raketləri 2027-ci ilin sonuna qədər almalıdır.

“I-Derby-ER” raketləri pilotsuz uçuş aparatları, helikopterlər, təyyarələr və idarə olunan raketlər kimi hava hədəflərini məhv etmək üçün nəzərdə tutulub. Onlar 80 km radiusda və maksimum 20 km uçuş hündürlüyündə hədəfləri vurur.