Çin hökuməti 2025-ci ilədək 30-dan artıq mülki hava limanı tikmək niyyətindədir.

Avtosfer.az “Xinhua”ya istinadən xəbər verir ki, ölkənin Mülki Aviasiya İdarəsinin (CAAC) nümayəndəsi Janq Çinq 2021-2025-ci illəri əhatə edən 14-cü beşillik plan çərçivəsində sözügedən sahənin inkişafı istiqamətində həyata keçiriləcək irimiqyaslı layihələr nəticəsində sərnişin sayının 2 milyarda çatdırılacağını bildirib.

Həmçinin hava səyahətlərinin şaxələndirilməsini, logistik xidmətlərin modernləşdirilməsini ehtiva edən “cüt dövriyyə” inkişaf standartının təkmilləşdiriləcəyi də vurğulanıb.

Qeyd edək ki, 2020-ci ildə Çində mülki hava limanlarının sayı 3 ədəd artaraq 241-ə, istismar olunan sərnişin təyyarələrinin sayı isə 6 747-yə çatdırılıb. Hava sərnişinlərinin sayı da 420 milyon nəfər təşkil edib ki, bu da əvvəlki ilin göstəricisinin 63,3 faizidir. Bu il hava daşımalarını böhrandan əvvəlki səviyyənin 90 faizinə çatdırmaq hədəflənir.