Çoxmərtəbəli binalarda elektromobillərini kustar üsulla şarj edənlərə XƏBƏRDARLIQ - VİDEO

Paytaxt küçələrində müxtəlif ünvanlarda, eyvanlardan aşağı endirilən elektrik naqili görmək mümkündür.
Avtosfer.az baku.ws-ə istinadən xəbər verir ki, mütəxəssislərin sözlərinə görə, bu elektromobil sürücüləri üçün qənaətcil üsul kimi görünsə də elə deyil. Təhlükəsizlik baxımından isə ciddi problemlər yarada bilər.

Təhlükəsizlik məsələləri üzrə ekspert Elmar Nurəliyev bildirib ki, mənzildən kustar üsulla kənara çəkilən elektrik xətti həm də yanğın kimi xoşagəlməz hadisələrə səbəb ola bilər.

Elektrik avtomobilləri üzrə mütəxəssislər isə bildiriblər ki, sözügedən nəqliyyat vasitələri üçün xüsusi ölçüdə naqildən istifadə olunmalıdır. Bundan əlavə elektrik enerjisinin gücü avtomobilə uyğun olmazsa, nəqliyyat vasitələrinin batareyalarını sıradan çıxara bilər.