Dəmir yolunun partladılmasının qarşısı alınıb

Rusiya Federal Təhlükəsizlik Xidməti (FTX) Sverdlovsk vilayətində Trans-Sibir dəmir yolunda terror aktının qarşısını alıb.

Avtosfer.az Sfera.az-a istinadən xəbər verir ki, terror aktını Ukraynadan göndərilən 61 yaşlı hərbi kəşfiyyatçı törətmək istəyib.

Rəsmi məlumata əsasən, terror aktını törətmək istəyən şəxs Rusiya vətəndaşı olub. Həmin şəxs Ukrayna xüsusi xidmət orqanları tərəfindən Lıvovda işə götürülüb, təxribat təlimi keçib. Daha sonra o, qatarları relsdən çıxarmaq üçün əldəqayırma qurğulardan istifadə etməklə terror aktlarını həyata keçirmək üçün Rusiyaya göndərilib.

FTX-nin açıqlamasına görə, saxlanılan şəxs hər şeyi etiraf edib və Rusiya tərəfi ilə əməkdaşlığa başlayıb.