DGK "BakuBus"ı cərimələyir

"BakuBus"a gömrük qaydaları ilə bağlı qanunvericiliyi pozma maddəsi ilə cərimə yazılıb.

Şirkət barəsində Dövlət Gömrük Komitəsi tərəfindən İnzibati Xətalar Məcəlləsinin 485.2-ci maddəsinə əsasən cərimə protokolu tərtib edilib.

Daha sonra protokol baxılması üçün Suraxanı Rayon Məhkəməsinə göndərilib.

İddia hakim Nərminə Rzayevanın sədrliyi ilə araşdırılacaq.

"BakuBus"ın barəsində cərimə protokolu tərtib olunan maddədə deyilir ki, Gömrük Məcəlləsi ilə müəyyən edilmiş hallarda qısa idxal bəyannaməsinin mallar gömrük ərazisinə gətirilməzdən əvvəl elektron formada verilməməsinə görə  vəzifəli şəxslər min manat məbləğində, hüquqi şəxslər min beş yüz manat məbləğində cərimə edilir. (İqtisadiyyat.az)