"Domino's Azerbaijan" sürücüləri ölümə sürükləyir - Kuryer qəzada öldü - FOTO

Xəbərlər 25 May 2020 02:16 Oxunub 5288
"Domino's Azerbaijan" sürücüləri ölümə sürükləyir - Kuryer qəzada öldü - FOTO
WhatsApp kanalımıza abunə ola bilərsiniz
Yüzlərlə müştəri bu şirkətə etiraz edir

"Domino's Azerbaijan" şirkətinin kuryeri qəzada dünyasını dəyişb. Avtosfer.az musavat.com xəbər verir ki, bu barədə facebook sosial şəbəkəsinin ən aktiv qruplarından olan "Müştəriyəm şikayətim var"da məlumat paylaşılıb.

Məlumatda bildirilir ki, kuryer dünən günorta saatlarında sifariş aparan zaman qəzaya uğrayıb və hadisə yerində dünyasını dəyişib. Qəza ilə bağlı müştərilərin çoxsaylı şikayəti yaranıb və onlar "Domino's Azerbaijan"ın 30 dəqiqəyə pizza çatdırmaqla bağlı kampaniyasının ləğvini tələb edirlər.

Yüzlərlə müştəri şirkətin sosial şəbəkə hesabına yazaraq bu kampaniyanın ləğvini tələb edir. Bir çoxları isə artıq kampaniya ləğv edilənə qədər şirkətin xidmətlərini boykot etdiklərini yazıblar. Bildirilir ki, şirkət "sifariş 30 dəqiqədən gec çatdırılsa, ödəniş etmirsiniz" şüarı ilə kampaniya təşkil edərək kuryerləri ünvana tez çatmağa məcbur edir. Bu addım isə motosikletlərlə sifariş ünvanına gedən kuryerlərin həyatı bahasına başa gəlir. Şirkət kuryerləri məcbur edir ki, sifarişi vaxtında çatdırsın və ödənişi alsın.

Müştərilər hətta şirkəti qatil olmaqda da suçlayır. Şirkət çoxsaylı şikayətlərə hələlik cavab verməyib.

ŞƏRH YAZ
Ad

E-mail

Şərh