“Dünyanın ən ağıllı milyarderi” vəfat edib

Sağlığında “investisiya əfsanəsi” kimi qəbul edilən “Renaissance Technologies” fondunun təsisçisi Cim Saymons 86 yaşında vəfat edib.

Onun yaratdığı fond sahibkarın ölüm xəbərini rəsmi olaraq təsdiqləyib.

Massaçusets riyaziyyatçısı Saymons 1982-ci ildə “Renaissance Technologies” investisiya şirkətini qurub. O, birjada alqı-satqı üçün riyazi alqoritmdən istifadə edib və bunun sayəsində maliyyə sərvətini milyarda çatdırıb.

“The Economist” Saymonsu bütün zamanların ən uğurlu investoru kimi tanıdıb. Onu “milyarderlərin ən ağıllısı” da adlandırırdılar.

Mənbə: Oxu.az