Dünyaya terror hücumları təhlükəsi XƏBƏRDARLIĞI

Qərb kəşfiyyat rəhbərləri dünyada, xüsusən də Yaxın Şərqdəki mövcud vəziyyəti müzakirə edərək, HƏMAS-ın İsrailə hücumundan sonra bütün dünyada islamçı qrupların terror hücumları təhlükəsinin əhəmiyyətli dərəcədə artdığı qənaətinə gəliblər.

Avstraliya, Kanada, Yeni Zelandiya, Böyük Britaniya və ABŞ-dan olan kəşfiyyat rəsmiləri Federal Kəşfiyyat Bürosunun təşkil etdiyi toplantıda təhdid hesabatlarının artdığını gördüklərini, lakin Yaxın Şərqdəki gərginlik səbəbilə hazırda yüksək həyəcan vəziyyətində olduqlarını bildiriblər.

Mütəşəkkil terror qrupları, antisemitlər, eləcə də İran kimi dövlət subyektləri və digər qruplar bütün dünyada fəallaşa bilər. Bu səbəbdən diqqətli olmaq və aldanmamaq lazımdır, çünki “bu, təhlükəli vaxtdır”.

Görüşdə beynəlxalq kəşfiyyat rəsmiləri qeyd ediblər ki, dünyanın hər yerində yerləşən “Əl-Qaidə”, “İslam Dövləti” və “Taliban”la əlaqəsi olan qruplar çox güman ki, öz imkanlarını nümayiş etdirməyə və diqqəti cəlb etməyə çalışacaqlar, çünki insanlar onlar haqqında danışmalıdırlar. Bu, silah, pul və yeni işəgötürənləri cəlb etməyə kömək edir. (lent.az)