Daha bir məmur övladının milyonluq biznesi və avtomobil kolleksiyası - SİYAHI

Sosial şəbəkələrdə Müdafiə Sənayesi Nazirliyi Aparatının rəhbəri olmuş Üzeyir Ərəstun oğlu İsmayılovun oğlu Elmir İsmayılovun sahib olduğu avtomobil kolleksiyası barədə məlumat yayılıb. Avtosfer.az xəbər verir ki,  atası sabiq nazir Yavər Camalovun qardaşı, iş adamı Əlikram Camalovun kürəkəni olan Elmirin  İstanbulda "MAYAK" adlı Beynəlxalq Yük Daşımaları Şirkəti var. Azərbaycan, Rusiya, İran, Gürcüstan, Çin, Türkiyə və İraqda ofisləri var.

Məmur balasının avtomobil kolleksiyasına

▪️Mercedes GL-Class 63 markalı, 90-ZZ-009 avtomobil
▪️Porsche Panamera markalı, 90-ZZ-009 nömrəli avtomobil
▪️Toyota Camry markalı, 10-AD-011 nömrəli avtomobil
▪️Mercedes S63 AMG markalı, 90-ZZ-009 nömrəli avtomobil
▪️Mercedes-Benz Geländewagen markalı, 90-OZ-009 nömrəli avtomobili daxildir.

Elmir İsmayılovun əmisiv Üveysi İsmayılov Hava

Nəqliyyatında Baş Gömrük İdarəsinin rəisinin müavinidir. Ölkədə mərmər monopoliyasına nəzarət etdiyi deyilir.

Üveysi İsmayılov Bakı şəhəri, Binəqədi rayonu, Ə.Naxçıvani küçəsi, 26a saylı binanın yaxınlığında 3 mərtəbəli 260 kvadrat metrlik kommersiya obyekti tikdirib. O, keçmiş baş prokurorun müavini Rüstəm Usubovun kürəkənidir.