Bakıda gənc qadını polis adıyla aldadıb "Hummer"ini və pulunu aldılar - 75 MİNLİK DƏLƏDUZLUQ
Xəbərlər
20 Avqust 2020 01:20

Bakıda gənc xanım dələduzluqla üzləşib. “Report” açıqlama verən şikayətçi G.Muradova bildirir ki, Şirinov Vüqar Ağamirzə oğlu adlı şəxs onun etibarından sui-istifadə edərək 70 min manatadək pulunu ələ keçirib. Onun sözlərinə görə, Vüqar Şirinovla 2018-ci ilin sonunda tanış olub. V.Şirinov onunla evlənəcəyini vəd edib: “Vüqar Daxili İşlər Nazirliyinin (DİN) Baş Mütəşəkkil Cinayətkarlıqla Mübarizə İdarəsində (BMCMİ) əməliyyat müvəkkili işlədiyini, əvvəlcə kapitan, sonradan isə mayor rütbəsində zabit olduğunu bildirirdi. O, mənimlə görüşə polis formasında da gəlmişdi. Mənə bildirdi ki, şəhid ailəsi olduğuna görə sosial evləri ucuz qiymətə ala bilir. Sosial evlərdə mənzil almaq vədi ilə məndən hissə-hissə, (15 min, 15 min və 6 min olmaqla ) ümumilikdə 36 min manat pul aldı. Ancaq nə mənzil aldı, nə də pulu qaytardı”.
G.Muradova qeyd edir ki, V.Şirinov növbəti dəfə onu aldadıb: “Sonra mənim “Hummer” markalı avtomobilimi 25 min manata almaq istədiyini dedi. Mən razılaşdım, amma bir müddət sonra dedi ki, maşının mühərrikində problem var, notariatda əsas etibarnamə ver ki, məsələni həll edim. Mən də onun dediyini etdim. Ancaq sonradan öyrəndim ki, maşını başqa adama satıb və “Hummer” lombardda girovdadır”.
Şikayətçi bildirir ki, V.Şirinov növbəti dəfə ondan qardaşını Türkiyə səfirliyində işə düzəltmək adı ilə pul alıb: “Qardaşımın işə düzəltməsi üçün iyun ayında ona ümumilikdə 15 min manat da verdim. Bundan sonra isə tamamilə yoxa çıxdı, telefonlarına zəng çatmadı. Öyrəndik ki, Vüqar bizdən başqa şəxslərə qarşı da belə əməllərə yol verib. Hətta onun ailəli olduğu da üzə çıxdı”.
G.Muradova bildirir ki, tez-tez telefon nömrəsini dəyişsə də, Vüqarla əlaqə saxlaya bilib: “Mənə dedi ki, sənə borcum yoxdur. Əlimdə video, səs yazısı və fotolar olduğunu dedikdən sonra isə məni hədələməyə başladı. O, müxtəlif instaqram profillərindən mənə yazaraq görüşə çağırır, öldürəcəyi ilə hədələyir. Hesab edirəm ki, telefonda olan sübutlara görə narahatdır və onların silinməsinə nail olmaq istəyir. Vəziyyət o yerə çatıb ki, onun hədə-qorxuları ilə bağlı Binəqədi Rayon Polis İdarəsinin 5-ci polis bölməsinə də müraciət etmişəm”.
Şikayətçi bildirir ki, V.Şirinov Gülüstan Ağayeva adlı qadınla əlbir hərəkət edir: “Həmin qadını mənə anası kimi təqdim edərək, elçi gələcəyini demişdi. Hazırda da həmin qadınla bilirkdə yaşayır. Dəfələrlə həmin qadın mənimlə əlaqə saxlayaraq, problemlərin həll olunacağını bildirib və Vüqardan şikayətçi olmamağımı istəyib”.
G.Muradova sonda əlavə edir ki, həm hədələnməsi, həm də qarşılaşdığı ümumilikdə 75 500 manatlıq dələduzluq faktı ilə bağlı ərazi üzrə polis şöbəsinə ərizə ilə müraciət edib: “Şöbədən bildirdilər ki, ərizədə V.Şirinovun BMCMİ adından istifadə etdiyi qeyd edildiyi üçün, məsələ həmin idarə tərəfindən araşdırılır və əlavə məlumat veriləcək”.
"Report" məsələ ilə bağlı Vüqar Şirinovla əlaqə saxlamaq istəsə də, telefonuna zəng çatmayıb, Gülüstan Ağayeva isə zənglərə cavab verməyib.
Mövzu ilə bağlı DİN-dən bildirilib ki, məsələ araşdırıldıqdan sonra cavab veriləcək.

Oxunub : 17816
DİGƏR XƏBƏRLƏR
17 Noyabr 2026 20:33
Hansı din xadimlərinin dövlət qulluğunda çalışmasına məhdudiyyət qoyulur? – DEPUTAT
17 Noyabr 2026 19:02
Polad Həşimovun anasının son durumu AÇIQLANDI
17 Noyabr 2026 14:00
Bakıda sürücülərin cərimələnməsinə səbəb olan yol xətlənməsi dəyişdirildi - VİDEO
16 Noyabr 2026 22:50
Naxçıvanda benzin qıtlığı var? - SOCAR-dan RƏSMİ CAVAB
16 Noyabr 2026 20:37
Məşhur qadın biznesmenlə bağlı QƏRAR EDİLDİ
16 Noyabr 2026 20:05
Vüqar Əliyev və 651 min manat: Bahalı hədiyyələr kimə sifariş edilib?
16 Noyabr 2026 18:30
Vətəndaşlar şəhərdəki eskalatorların işləməməsindən narazıdır - EKSPERT
16 Noyabr 2026 12:36
Tahir Qədəşovun kürəkəninə 11 il həbs verildi - “Atlant” müsadirə edildi
15 Noyabr 2026 19:20
Badamdarda torpaq sürüşməsi təhlükəsi - VİDEO
15 Noyabr 2026 16:46
Media və Yayım Şurası Fransadan idarə olunan "YouTube" kanalını ifşa edib
13 Noyabr 2026 20:40
Ali məktəblər üçün yeni dövr: Hansı universitetlərə xüsusi status veriləcək?
13 Noyabr 2026 19:33
Tələbələrin fotolarını montaj edib şantaj edən şəxs saxlanıldı - VİDEO
ŞƏRH YAZ













