Fransa müstəmləkəçiliyinə daha bir zərbə

Afrikada Fransa müstəmləkəçiliyinə son qoyulması bu olkənin vətəndaşları üçün də çətinliklər yaradır. 
Avtosfer.az xəbər verir ki, bir neçə gündür Nigerə uçuş həyata keçirən aviaşirkətlər Fransa vətəndaşlarına xidmət etmir. Səbəb fransızların paytaxt Nyanmey aeroportundan geri qaytarılmasıdır. Məsələ Burkina-Faso hava yollarının daxili qərarının mediaya sızmasından sonra ortaya çıxıb. Şirkətin nümayəndəsi bildirib ki, Fransa pasportlu sərnişinlər aeroportdan geri qaytarıldığı üçün artıq onlara Niger istiqamətində xidmət olunmur. 
Mərakeş hava yolları isə Fransa vətəndaşlarına yalnız Niger hökumətinin xüsusi icazəsi olduqda xidmət göstərir. “Air France”a gəlincə, şirkət ötən yaydan Niger, Mali və Burkina-Fasoya uçuşları dayandırıb. Nəzərə alaq ki, hər 3 ölkə Fransanın keçmiş müstəmləkəsidir.

Vüqar