Fransızlar bizi də yoluxdura bilərmi?

Artıq bir neçə gündür Fransada birə problemi epidemioloji məsələ olmaqdan çox siyasi müzakirə predmetinə çevrilib. Parisin ermənipərəst meri Ann İdalqo pafoslu açıqlamalar versə də, ortada konkret iş yoxdur. Bəs Fransada real vəziyyət necədir və birələr orasdan bizə də gələ bilərmi?

Avtosfer.az xəbər verir ki, 70-ci illərdə Avropada yoxa çıxan birələr 90-cı illərin sonunda təkrar ortaya çıxdı. Səbəb DDT adlanan dərmanın qadağan edilməsi və qloballaşma idi. Səyahətlərin artması və kütləvi beynəlxalq tədbirlər bu zərərvericilərin yayılmasına şərait yaratdı.

Bu gün Fransada hər 10 evdən biri birələrlə sirayətlənib. İnsan qanı ilə qidalanan bu canlılar Fransada artıq hər yerdədir: təyyarədə, ictimai nəqliyyatda, otel, restoran və kinoteatrlarda.

Bəs bu vəziyyət bizim üçün risk yaratmırmı? Fransa ilə birbaşa hava əlaqəmiz mövcuddur. Digər tərəfdən hər gün üçüncü ölkələr vasitəsi ilə də Fransadan Azərbaycana çox sayda qonaq və yük gəlir. Ümid edirik ki, dövlət qurumları vəziyyəti nəzarətdə saxlayır.

Vüqar