Göyçayda  “Narkomaniya və onun fəsadları" mövzusunda tədbir keçirilib - FOTO

Narkomaniyanın fəsadları barədə yeniyetmə və gəncləri maarifləndirmək  məqsədilə Göyçay Rayon Polis Şöbəsinin təşəbbüsü ilə  şəhər 2 saylı orta məktəbdə şagirdlərlə növbəti görüş keçirilib. 
RPŞ-nin rəisi, polis polkovniki Müqalib Abdıyev görüşdə məktəblilərə narkomanlığın cəmiyyətə, insanların sağlamlığına ziyanından danışıb, narkomaniyanın səbəb olduğu faciələrdən real faktlara istinad edib. Bu bəlaya qarşı aparılan qətiyyətli mübarizədən söz açan şöbə rəisi yeniyetmələrə zərərli vərdişlərin aludəçisi olan şəxslərin təsiri altına düşmədən sağlam həyat yaşamalarını tövsiyə edib. 
Daha sonra polis əməkdaşları mövzu ilə əlaqəli məktəblilərin suallarını cavablandırıblar.