Hava limanında 100-dən çox reys təxirə salınıb

Avstraliyanın Yeni Cənubi Uels ştatında güclü yağışlar nəticəsində Sidney hava limanında 100-dən çox reys ləğv edilib.

Avtosfer.az “Azərtac”a istinadla xəbər verir ki, yerli vaxtla saat 14:30-a olan məlumata görə, 6 beynəlxalq və 109 daxili reys ləğv olunub. Şiddətli yağış və daşqınların davam etməsi səbəbindən yaxın bir neçə saat ərzində bu rəqəmlərin artacağı gözlənilir.

Sidney Hava Limanının mətbuat katibi sərnişinlərə uçuşlarının vəziyyəti ilə bağlı aviaşirkətlərlə əlaqə saxlamağı tövsiyə edib.

Sərt hava şəraiti 11 qatar xəttini birləşdirən Redfern stansiyasında avadanlıqları zədələyib və nəticədə gecikmələr baş verib.

Avstraliya meteorologiya bürosu bir sıra bölgələrdə şiddətli yağışların davam edəcəyini proqnozlaşdırır. Büro, həmçinin güclü küləklərlə bağlı xəbərdarlıq edib.