İran “Karrar” tanklarının yeni fotolarını yayımlayıb

İran ordusunun “Karrar” əsas döyüş tanklarının yeni fotolar yayımlanıb. Ordu.az xəbər verir ki, bu barədə İranın “Mojnews” nəşri məlumat yayıb.

“Karrar” İranın üçüncü nəsil əsas döyüş tankıdır. Tank 2016-cı ildə elan edilib. Açıqlamada onun elektro-optik atəş idarəetmə sisteminə, lazer məsafəölçən cihazına, ballistik kompüterə malik olduğu, gecə-gündüz həm stasionar, həm də mobil hədəfləri atəşə tuta biləcəyi iddia olunub.

“Karrar” Rusiya T-90MS tanklarının istehsalı üçün lisenziya və texnologiya əldə etmək üçün uğursuz danışıqlardan sonra istehsal edilib. Tanklar Sovet istehsalı olan T-72-yə əsaslanır. Platforma Bani Haşim Müdafiə Sənaye Kompleksində istehsal olunur.