İsrail qırıcıları "Hizbullah"ın İKİ POSTUNA hücum edib

İsrail Hərbi Hava Qüvvələrinin qırıcıları Livanın cənubunda "Hizbullah"ın yerləşdiyi Yarun və Yatir bölgələrinə hücum edib.

Bu barədə "Al Mayadeen" telekanalı məlumat yayıb.

Məlumata görə, hava zərbələri "Hizbullah"ın Metula yaşayış məntəqəsinə edilən hücumdan sonra həyata keçirilib.

İtkilər barədə məlumat verilmir.

Bundan əvvəl İsrail təyyarələri Livanın cənubundakı Bint Cbeil şəhərinə hücum təşkil edib. ("Report")