Koronavirusa görə ailəsindən uzaq düşən həkim - VİDEO

Cəlilabadda yaşayan həkim Sənan Rzayevin ailəsi koronavirus pandemiyasının bitəcəyi vaxtı səbirsizliklə gözləyir. Çünki ailə başçısının evə gəlməsi məhz bu infeksiyaya yoluxmuş xəstələrin sağalmasından aslıdır.

Avtosfer.az-ın məlumatına görə, həkim Sənan Rzayev iki azyaşlı oğlu və həyat yoldaşı ilə yalnız telefon vasitəsi ilə görüntülü əlaqə saxlaya bilir. Çünki o koronavirus infeksiyasnıa yoluxmuş xəstələrin müalicəsi ilə məşğul olur və ən böyük risk qrupuna daxil olduğundan istirahət vaxtı da evinə gələ bilmir.

Amma həkim Sənan Rzayevin yaxınları da yaxşı dərk edirlər ki, onun evə dönməsi birbaşa insanların məsuliyyətindən asılıdır. Odur ki, Sənan həkim və onun timsalında ailələrindən uzaq düşən bütün tibb işçilərinin evlərinə tezliklə qayıtması üçün sosial izolyasiya qaydalarına əməl edilməlidir.