Koronavirusa yoluxanların sayı artmaqda davam edir

Xorvatiyada koronavirusa yoluxanların sayı 18 min 84 nəfərə çatıb. AZƏRTAC ölkənin Səhiyyə Nazirliyinin məlumatına istinadla xəbər verir ki, son 24 saat ərzində 287 nəfər koronavirusa yoluxub. Ölənlərin sayı 304 nəfər, sağalanların sayı isə 16 min 192 nəfərdir. Qeyd edək ki, hökumət vətəndaşları məsuliyyətli olaraq sanitar normalara riayət etməyə çağırır.