Küçə, yoxsa zibil poliqonu? -Narazılıq - VİDEO

Xəzər rayonu, Binə qəsəbəsində insanların sıx yaşadığı adsız küçələrdən biri sanki zibilxana poliqonunu xatırladır. Sakinlər iddia edirlər ki, rayonun kommunal xidmətinin işçiləri mütəmadi olaraq ya zibil yeşiklərinin yerini dəyişirlər, ya da götürüb aparırlar. Artıq bir neçə gündür yeşiklərin olmaması ərazidə antisanitar vəziyyət yaranıb.
Məişət tullantıları zibil yeşikləri götürüldüyü üçün onun yerinə atılır. Yolun kənarı sözün əsl mənasında zibillik poliqonunu xatırladır.
Sakinlərin sözlərinə görə, əslində burada bir neçə gün əvvələ qədər zibil yeşikləri olub. Ancaq bilinməyən səbəblərdən həmin yeşikləri mütəmadi götürüb aparırlar. Nəticədə məişət tullantıları bu cür qalaqlanır.
Sakinlər bildiriblər ki, mütəmadi olaraq problemin həlli üçün həm Xəzər Rayon icra hakimiyyəti və digər aidiyyəti təşkilatlara müraciətlər edilib.
Binə qəsəbəsinin İcra Nümayəndəsi Tahir Əliyev qeyd edib ki, həmin yerdə borular var. Həmin borular zibil maşınlarının hərəkətinə maneə olduğu üçün yeşiklər oradan götürülüb. Həmin ərazi Suraxanı rayonu ilə sərhəddir. Bu səbəbdən sabah iki rayonun məsul əməkdaşları tərəfindən müzakirə aparılacaq və yeşiklərin qoyulması üçün uyğun yer seçiləcək.
O da vurğulanıb ki, gün ərzində həmin ərazi tullantılardan təmizlənəcək.
Badamdarda torpaq sürüşməsi təhlükəsi - VİDEO
Media və Yayım Şurası Fransadan idarə olunan "YouTube" kanalını ifşa edib
Ali məktəblər üçün yeni dövr: Hansı universitetlərə xüsusi status veriləcək?
Tələbələrin fotolarını montaj edib şantaj edən şəxs saxlanıldı - VİDEO
Bakı-Qazax yolunda təhlükəli vəziyyət - VİDEO
Nəvəsinin andiçmə mərasiminə gələrək itkin düşən kişinin meyiti tapıldı
Bakı körpülərinin sədləri nə qədər təhlükəsizdir? - RƏSMİ CAVAB
“Sükan arxasında insan həyatı ilə oynamaq bağışlanmaz məsuliyyətsizlikdir” - Rövşən Tağıyev
Məhkəmə generalın qızı ilə bağlı QƏRAR VERDİ
Bakıda külək güclənəcək - XƏBƏRDARLIQ
Zelenski İlham Əliyevlə görüşə gəldi - VİDEO












