Lənkəranda 32 yaşlı kişinin meyiti su quyusunda tapıldı

Lənkəran rayonunda bədbaxt hadisə baş verib.

“Report”un Cənub Mərkəzinin verdiyi xəbərə görə, rayonun Günəhir kənd sakini, 1992-ci il təvəllüdlü Fətullayev Faiq Mirağa oğlunun cansız bədəni həyətlərindəki su quyusunda aşkar edilib.

Ailə üzvləri bildirib ki, F.Fətullayev dünən axşam evə gəlməyib və onun Bakıya getdiyi güman olunub.

Lakin bu gün onun meyiti həyətlərindəki su quyusunda tapılıb.

Meyit aidiyyatı üzrə təhvil verilib. Faktla bağlı Rayon Prokurorluğunda araşdırma aparılır.