Britaniyanın dövlət qulluqçuları ölkənin baş nazirinin xidməti təyyarəsindən “göydə içki içmək” üçün istifadə ediblər.

Avtosfer.az xarici KİV-ə istinadən xəbər verir ki, Böyük Britaniya üzərində 91 dəqiqəlik və 50 min funt-sterlinqə başa gələn səfərə bir neçə məmurun qatıldığı qeyd edilir.

KİV-in məlumatına görə, onlara “alkoqollu içkilərdən ibarət ləzzətli yeməklər” təqdim edilib.Uçuş məlumatları göstərir ki, təyyarə Stansteddən yola düşüb və geri qayıtmazdan əvvəl Lake District istiqamətinə gedib.

Hökumətin bəyanatında deyilir ki , əlavə saxlama xərclərinin qarşısını almaq üçün təyyarə sentyabrın 4-dək uçmağa qanuni olaraq borcludur.

İddia olunur ki, Xarici İşlər Nazirliyinin bir sıra dövlət qulluqçularının səfəri təyyarənin son konfiqurasiyasından sonra onun hələ də nazirliyin tələblərinə cavab verdiyinə əmin olmaq üçün zəruri olub.

Leyboristlər Partiyasının ticarət üzrə naziri Emili Tornberri məmurların davranışını rüsvayçılıq adlandırıb:

“Bu tamamilə utancverici davranış olardı. Lakin ölkəmizdə mövcud böhranın ortasında o qədər utancvericidir ki, sözlə ifadə etmək mümkün deyil”.

lent.az