Metroda oğurluq edən şəxs saxlandı

İctimai nəqliyyatda oğurluq edən şəxs polis əməkdaşları tərəfindən saxlanılıb.

Bu barədə Daxili İşlər Nazirliyi məlumat yayıb.

Metropolitendə Polis İdarəsinin əməkdaşlarının daxil olan məlumat əsasında keçirdikləri tədbirlərlə metro stansiyasında bir nəfərin mobil telefonunu oğurlamaqda şübhəli bilinən Bakı şəhər sakini, əvvəllər məhkum olunmuş 1966-cı il təvəllüdlü V.Qasımlı müəyyən olunaraq saxlanılıb.

Faktla bağlı araşdırma aparılır.