Minalanmış avtomobil partladıldı; 15 ölü, 30 yaralı - FOTO

Əfqanıstanın şərqində minalanmış avtomobilin partladılması nəticəsində 15 nəfər ölüb, 30 nəfər isə xəsarət alıb. Avtosfer.az xəbər verir ki, insident oktyabrın 3-də Nanqarhar əyalətində qeydə alınıb. Bu barədə “Tolo News” agentliyi məlumat yayıb.

Agentliyin məlumatına görə, partlayış qubernatorluq iqamətgahının yaxınlığında baş verib. Hadisədən sonra naməlum silahlılar binaya hücum etsələr də, yerli təhlükəsizlik qüvvələrinin müqaviməti ilə qarşılaşıblar.

Qeyd edilir ki, ölənlər arasında azı 8 mülki insan var.  

İnsidentlə əlaqədar istintaq davam edir.

Namiq Musayev