Minsk Avtomobil Zavodu Azərbaycanla əməkdaşlığı genişləndirməyi planlaşdırır

Minsk Avtomobil Zavodu (MAZ) Azərbaycanla birgə qarşılıqlı fəaliyyət üçün yaxşı perspektivlərin olduğunu qeyd edir.

Avtosfer.az-ın “Report”a istinadən məlumatına görə, bunu MAZ-ın baş direktoru Valeri İvankoviç bildirib.

"Bizim çox sayda təmas nöqtələrimiz var. Bizi uzun illər birgə əməkdaşlıq birləşdirir", - o, jurnalistlərə bildirib.

V.İvankoviç vurğulayıb ki, Gəncə zavodu ilə əməkdaşlıq zamanı qazanılmış təcrübə münasibətlərin möhkəmlənməsinə kömək edir: "Buna şassilərin, sərnişin texnikasının tədarükü, həmçinin maşınların tam qaydaya salınması təsir edir".