Neftçalada icra başçısı polislə birgə reyd keçirib - FOTO

1 iyul tarixində Neftçala Rayon İcra Hakimiyyətinin başçısı Mirhəsən Seyidov, İcra Hakimiyyətinin və Hüquq-Mühafizə orqanlarının məsul əməkdaşları Neftçala rayonu ərazisində reyd keçiriblər.⠀

Azərbaycan Respublikasının Prezidenti İlham Əliyevin tapşırığına əsasən Baş Nazir Əli Əsədovun sədrliyi ilə keçirilən Operativ Qərargahın geniş tərkibli Respublika videomüşavirəsində rayon və şəhər rəhbərləri qarşısında qoyulan tələb və tapşırıqlar nəzərə alaraq, Neftçala rayonunda da bu istiqamətdə həyata keçirilən tədbirlərin miqyası daha da genişləndirilib.

İcra Hakimiyyətinin başçısı Mirhəsən Seyidov İcra Hakimiyyətinin və Hüquq-Mühafizə orqanlarının məsul əməkdaşları Neftçala rayonun ictimai-iaşə və ticarət obyektlərdə, əhalinin sıx toplaşan məhəllələrində, küçə və prospektlərində əhali ilə fərdi söhbətlər apararaq karantin qaydalarına riayət edilməsi tapşırılıb.

Reyd və maarifləndirmə işləri ilə yanaşı tibbi-profilaktiki tədbirlər də davam etdirlir. Şəhərin mərkəzi hissəsində, o cümlədən qəsəbə və yaşayış massivlərində həyata keçirilən dezinfeksiya işlərinin həcmi genişləndirilib. Əsas küçə və prospektlər su çiləyici avtomobillər vasitəsilə xüsusi kimyəvi məhlulla mütəmadi yuyulurlar. Səkilərdə, park və meydanlarda, çoxmənzilli yaşayış binalarının həyətlərində, habelə obyektlərin qarşısında tibbi-profilaktiki işlər görülür.