Nəriman Nərimanovun heykəli istiqamətində gedən yolda mövcud olan PROBLEMLƏR - VİDEO

Baku TV-nin "Necə olmalıdır?" verilişinin yeni buraxılışı yayımlanıb.

Bu dəfə sürücülərin Mikayıl Müşfiq və İsmayıl bəy Qutqaşınlı küçələrinin kəsişməsində qarşılaşdıqları problem haqqında məlumat verilib.

Qeyd edilib ki, M.Müşfiq küçəsindən Nəriman Nərimanovun heykəli istiqamətində gedən nəqliyyat vasitələri üç zolaqla hərəkət edir. Lakin sağdakı zolaq yalnız sağa getməyi məcbur edir.

Vurğulanıb ki, Mikayıl Müşfiq küçəsində 3-cü zolağın yalnız sağa dönməni əmr etməsi sürücülərin hərəkətinə ciddi şəkildə mane olur.

"Onsuz da kəsişmədən sonra N.Nərimanovun heykəli istiqamətində velosiped zolağı davam etmir. Yaxşı olar ki, velosiped zolağını kəsişməyə 30-40 metr qalmış bitirsinlər və həmin boşluğu sağa yönləndirsinlər.

Hazırda sağa dönməni əmr edən zolağı isə həm düzünə, həm də sağa istiqamətləndirsələr, yaxşı olar", - deyə əlavə edilib.

Daha ətraflı videosüjetdə: